प्रधानमन्त्री कपः लगातार तेस्रो जितसँगै नेपाल पुलिस सेमिफाइनलमा

नेपालभ्युज

काठमाडौं। प्रधानमन्त्री कप एकदिवसीय पुरुष क्रिकेट प्रतियोगितामा नेपाल पुलिस क्लब लगातार तेस्रो जितसँगै सेमिफाइनलमा पुगेको छ । त्रिवि अन्तर्राष्ट्रिय क्रिकेट मैदानमा बिहीबार भएको खेलमा पुलिसले लुम्बिनीलाई ६ विकेटले पराजित गरेको हो ।

१८९ रनको लक्ष्य पुलिसले ३७ ओभर १ बलमा ४ विकेट गुमाएर भेट्टायो ।

उसको लागि दीपेन्द्र सिंह ऐरीले ४३ र कुशल भूर्तेलले ३२ र बनाए । लुम्बिनीका लागि भने अनिल खरेलले २ र दुर्गेश गुप्ताले १ विकेट लिए ।

टस जितेर ब्याटिङ रोजेको लुम्बिनी ४४ ओभर २ बलमा १८८ रन बनाएर अलआउट भएको थियो । उसका लागि देव खनालले ७४ र विशाल बिक्रम केसीले ३० रन बनाए । पुलिस क्लबका दीपेन्द्र सिंह ऐरीले ४ र करण केसीले २ विकेट लिए ।