नयाँ दिल्ली। कुनै कुनै विरामीको पेटबाट कहिलेकाँही एउटा चम्चा वा सानातिना धातु अप्रेसन गरेर निकालिएका घटना आइरहन्छन् । तर भारतमा यस्तो एउटा घटना सार्वजनिक भएको छ, जुन घटना सुनेर जो कोहि अचम्ममा पर्छन् । भारत उत्तर प्रदेशको मजफ्फरपुरमा एक व्यक्तिको पेटबाट डाक्टरले अप्रेसन गरेर ६३ वटा चम्चा निकालेका छन् । विरामीको अवस्था गम्भीर रहेको एनडीटीभीले जनाएको छ ।
खासमा मन्सूरपुर थाना क्षेत्रको बोपाडा गाउँका विजय नाम गरेका एक व्यक्तिलाई लागूऔषधको लत थियो । विजयका परिवारले उनलाई लागुऔषध उन्मूलन केन्द्रमा भर्ना गरेका थिए । विजय करिब पाँच महिनाअघि लागुऔषध उन्मुक्ति केन्द्रमा भर्ना भएका थिए । जहाँ उनको स्वास्थ्य बिग्रिएपछि परिवारका सदस्यहरूले मुजफ्फरनगरको एक निजी अस्पतालमा ल्याएका थिए। डाक्टरले उनको शल्यक्रिया गर्दा उनको पेटबाट ६३ वटा स्टिलको चम्चा निस्किएपछि स्वास्थ्यकर्मी सहित सबैजना चकित परेका छन् ।
अब प्रश्न उठ्छ कि आखिर यति धेरै चम्चा विजयको पेटमा कसरी गयो ? किनभने सामान्य मानिसले खानासँगै चम्चा खान्छन भन्ने सम्भव छैन । तर विजयका परिवारले उनलाई लागुऔषध मुक्ति केन्द्रका कर्मचारीले जबरजस्ती चम्चा खुवाएको आरोप लगाएका छन् ।
विजयको पेटमा ६३ चम्चा कसरी गयो भन्ने अनुसन्धानको विषय भएको डाक्टर र प्रहरीले जनाएका छन् । यस विषयमा डाक्टरसँग कुरा गर्दा डाक्टरले पहिलो कुरा बिरामीको जीवन बचाउनु भएको बताएका छन् । बिरामीको अवस्था अझै खतरामा छ त्यसैले बिरामी सामान्य नभएसम्म यो विषयमा मिडियासँग नबोल्ने डाक्टरले जनाएका छन् ।
Facebook Comment
Comment