विपद्का बेला घुम्न निस्केको भन्दै पाकिस्तानी मन्त्रीलाई लण्डनमा घेरा हालेर गाली दिइयो

नयाँ दिल्ली।  पाकिस्तानकी सूचना तथा प्रसारण मन्त्री मरियम औरङ्गजेबलाई लण्डनको एउटा कफी पसलमा केहि मानिसले घेरा हालेर गाली गरेका छन् । सामाजिक सञ्जालमा भाइरल भएको भिडियोमा लण्डनमा बस्ने पाकिस्तानी नागरिकले मन्त्रीविरुद्ध नारा लगाएको देख्न सकिन्छ ।

यति मात्र होइन कतिपयले मरियम औरंगजेबलाई ‘चोर’ भनेर पनि गाली गरेका छन् । मरियम औरङ्गजेबलाई घेरेर बसेका मानिसहरूले आफ्नो देश बाढीको चपेटामा परेको बेला नेताहरू जनताको पैसामा विदेश घुमिरहेका भन्दै चर्को आलोचना गरेका छन् ।

मानिसले गाली गरिरहँदा मन्त्री मरियम औरंगजेबले कुनै प्रतिक्रिया दिइनन् र उनी आफ्नो मोबाइलमा व्यस्त थिइन् ।पाकिस्तानी पत्रकार सैयद तलत हुसैनले ट्वीटरमा घटनाको भिडियो पोस्ट गरेका छन् ।  जसमा केही मानिसहरू पाकिस्तान तहरीक-ए-इन्साफको झण्डाको रंगमा देखिएका छन्। उनीहरुले मरियम औरंगजेबको तस्विर र भिडियो खिचिरहेका थिए ।

लण्डनमा भएको क्रियाकलापको जवाफमा मरियम औरंगजेबले ट्वीट गरेर भनेकी छिन्, “यो इमरान खानको घृणा र विभाजनको राजनीतिको विषाक्त प्रभाव हो जुन हाम्रा दाजुभाइ र दिदीबहिनीहरूमा देखिन्छ। दुःखको कुरा के छ भने उनीहरु इमरान खानको प्रचारको सिकार भएका छन् । हामी इमरान खानको विषाक्त राजनीतिको विरोध गर्नेछौं र जनतालाई एकताबद्ध गर्न काम गर्नेछौं।

She braved it with aplomb. The shame is for the harassers. The trend will be irresistible for others. It is only a matter of time before PTI women or Imran himself face the same situation. I will condemn it even then but with the reminder that what goes around comes around. pic.twitter.com/UA61Co7Tim

— Syed Talat Hussain (@TalatHussain12) September 25, 2022