विद्युतीय सुशासन आयोगको सीईओमा दीपेश विष्ट

नेपालभ्युज

काठमाडौं । विद्युतीय सुशासन आयोगको प्रमुख कार्यकारी अधिकृत (सीईओ) मा दीपेश विष्टलाई नियुक्त भएका छन् ।

उक्त पदका लागि सरकारले गरेको विज्ञापनमा तीन जनाले आवेदन दिएकोमा विष्ट छनोटमा परेका हुन् ।

उनी प्रधानमन्त्री शेरबहादुर देउवाको सूचना प्रविधि विज्ञ सल्लाहकार समेत हुन् ।

विद्युतीय सुशासन आयोग (गठन तथा सञ्चालन) आदेश–२०७९ अनुसार आयोगको अध्यक्ष प्रधानमन्त्री रहने व्यवस्था छ ।

यस्तै आयोगको सहअध्यक्षमा मुख्य सचिव, सञ्चार तथा सूचना प्रविधि मन्त्री रहनेछन् भने प्रधानमन्त्री तथा मन्त्रिपरिषद् कार्यालयका सचिव, सञ्चार तथा सूचना प्रविधि सचिव सदस्य रहने व्यवस्था छ ।