केन्याविरुद्ध ब्याटिङ गर्दै नेपाल

नेपालभ्युज

काठमाडौं । केन्याविरुद्धको अन्तिम टी-ट्वान्टी अन्तर्राष्ट्रियमा नेपालले मंगलबार सुरुआतमा ब्याटिङ गर्ने भएको छ । नैरोवीस्थित जिमखाना क्रिकेट मैदानमा नेपालले टस जितेर पहिले ब्याटिङ रोजेको हो ।

आजको खेलमा नेपालले दुई खेलाडी परिवर्तन गरेको छ। आरिफ शेख र शाहब आलमको स्थानमा विवेक यादव र वसिर अहमदले मौका पाएका छन् । पाँच खेलको सिरिज अन्तर्गतको यस खेल सिरिजको निर्णायक खेल हो।

अहिले घरेलु टोली नेपालविरुद्ध सुरुआतमा फिल्डिङ गरिरहेको छ ।

यसअघि ४ खेल सकिँदा सिरिज २(२ को बराबरीको अवस्थामा रहेको छ । यस खेल जित्नेले सिरिज जित्नेछ । टी-ट्वान्टी सिरिजपछि नेपालले घरेलु टोलीसँग एकदिवसीय सिरिज खेल्नेछ ।