आईजीपीको मुद्दा हेर्दाहेर्दैमा, अर्को सुनुवाइ १९ असारमा

नेपालभ्युज

काठमाडौं। नेपाल प्रहरीको आइजीपीमा वरिष्ठता मिचेर तेस्रो वरीयतामा रहेका प्रहरी अतिरिक्त महानिरिक्षक ‘एआइजी’लाई नियुक्ति गरिएको विरुद्धको मुद्दा हेर्दाहेर्दैमा राखिएको छ।

कायममुकायम प्रधानन्यायाधीश दीपककुमार कार्की र न्यायाधीश कुमार चुडालको आज (सोमबार) बसेको संयुक्त इजलासमा बहस नसकिएकोले अर्को सुनुवाइ १९ असारमा हुने गरी मुद्दा हेर्दाहेर्दैमा राखिएको हो।

मन्त्रिपरिषद् बैठकले धीरजप्रताप सिंहलाई आइजीपी बनाएपछि असन्तुष्टि जनाउँदै एआइजी विश्वराज पोखरेलले सर्वोच्चमा रिट दायर गरेका थिए।

आजको मुद्दामा महान्यायाधिवक्तासहित सरकारी वकिलहरूले बहस गरेका थिए।