नबिल बैंकले ल्यायो पर्यावरणमैत्री व्यवसाय ऋण कर्जा सुविधा

नेपालभ्युज

काठमाडौं। नबिल बैंकले पर्यावरणमैत्री व्यवसाय ऋण कर्जा सुविधा ल्याएको छ।

फोहोरमैला व्यवस्थापनसँग सम्बन्धित, पर्यावरणमैत्री व्यवसाय तथा वनविनाश र प्रदुषण कम गर्ने लक्ष्य राखेका व्यवसायीहरुको वित्तिय आवश्कता पूरा गर्न आकर्षक सुविधा तथा ब्याजदरसहित बैंकले नयाँ कर्जा योजना ल्याएको हो।

यस कर्जा योजना अन्तर्गत साबिकको भन्दा शून्य दशमलव ५ प्रतिशत (०.५%) कममा कर्जा उपलब्ध गराइने बैंकले जनाएको छ।

बैंकले पर्यावरणमैत्री व्यवसायीहरुको व्यवसाय बढाउन मद्दत गर्नको लागि क्षमता अभिवृद्धि कार्यक्रमहरू र व्यवसाय विकास तथा परामर्श सुविधाहरु प्रदान गरि व्यवसायीहरू माझ वित्तिय पहुँचमा जोड दिनेछ।