२३ पालिकाको नतिजा सार्वजनिक: एमाले १० र कांग्रेस ८ स्थानमा विजयी

अहिलेसम्म मतगणना सम्पन्न भएका २३ ओटा गाउँपालिकामध्ये १० ओटामा एमालेका प्रतिनिधि निर्वाचित भएका छन्। दोस्रो स्थानमा रहेको नेपाली कांग्रेसले आठ ओटा गाउँपालिका जितेको छ। नेकपा (एकीकृत समाजवादी)ले दुई ओटा स्थानमा अध्यक्ष पद जितेको छ। नेकपा (माओवादी केन्द्र)ले तीन वटामा जितेको छ।

नेपालभ्युज

काठमाडौं। स्थानीय तह निर्वाचनको हालसम्मको मतगणनामा विजयी स्थान हासिल गर्नेमा नेकपा (एमाले) अग्रणी छ भने कांग्रेसले भइरहेको गणनामा अग्रता हासिल गरिरहेको छ। अहिलेसम्म मतगणना सम्पन्न भएका २३ ओटा गाउँपालिकामध्ये १० ओटामा एमालेका प्रतिनिधि निर्वाचित भएका छन्।

दोस्रो स्थानमा रहेको नेपाली कांग्रेसले आठ ओटा गाउँपालिका जितेको छ। नेकपा (एकीकृत समाजवादी)ले दुई ओटा स्थानमा अध्यक्ष पद जितेको छ। नेकपा (माओवादी केन्द्र)ले तीन ओटामा जितेको छ।

एमालेका अध्यक्ष विजयी भएका गाउँपालिकाहरू

१. मनाङको मनाङ ङिस्याङ गाउँपालिका – कान्छा घले
२. मनाङको चामे गाउँपालिका – लोकेन्द्रबहादुर घले
३. मुस्ताङको घेकर दामोदरकुण्ड गाउँपालिका – लोप्साङ छोम्पेल विष्ट
४. मुस्ताङको वारागुङ मुक्तिक्षेत्र गाउँपालिका – रिङजिन नामगेल गुरूङ
५. मुस्ताङको लोमान्थाङ गाउँपालिका – टसी न्वर्वु गुरूङ
६. डोल्पाको से फोक्सुण्डो गाउँपालिका – धावा सम्डुङ गुरूङ
७. सोलुखुम्बुको खुम्बु पासाङल्हामु गाउँपालिका – मिङ्माछिरी शेर्पा
८. बझाङको साइपाल गाउँपालिका– मानवीर बोहरा
९. नवलपुरको बौदीकाली गाउँपालिका– प्रकाश ओझा
१०. बझाङको थलारा गाउँपालिका प्रकाश– रोकाया

कांग्रेसका अध्यक्ष विजयी भएका गाउँपालिकाहरू

१. मनाङको नार्पाभूमि गाउँपालिका – तेन्जीङ लामा
२. मनाङको नासोँ गाउँपालिका – धनबहादुर गुरूङ
३. मुस्ताङको घरपोझङ गाउँपालिका – मोहनसिंह लालचन
४. डोटीको बडीकेदार गाउँपालिका – भैरवबहादुुर साउँद
५. डडेलधुराको गन्यापधुरा गाउँपालिका– इन्द्रबहादुर कार्की
६. गुल्मीको रेसुंगा नगरपालिका – खिलध्वज पन्थी
७. गुल्मी दरबार गाउँपालिका – सरोज थापा
८, हुम्लाको खार्पुनाथ गाउँपालिका – कर्णबहादुर रावल