आईपीएलमा आज गुजरातले जितका लागि संघर्ष गरिरहेको चेन्नईसँग प्रतिस्पर्धा गर्दै

इन्डियन प्रिमियर लिग (आईपीएल)मा आज शीर्ष क्लब गुजरात टाइटन्सले जितका लागि संघर्ष गरिरहेको चेन्नई सुपर किंग्ससँग प्रतिस्पर्धा गर्दैछ।

नेपालभ्युज

काठमाडौं। इन्डियन प्रिमियर लिग (आईपीएल)मा आज शीर्ष क्लब गुजरात टाइटन्सले जितका लागि संघर्ष गरिरहेको चेन्नई सुपर किंग्ससँग प्रतिस्पर्धा गर्दैछ। त्यस्तै पन्जाब किंग्सले सनराइजर्स हैदरावादसँग प्रतिस्पर्धा गर्दैछ।

पुणेस्थित महाराष्ट्र क्रिकेट एसोसिएसनको मैदानमा गुजरातलाई आजको खेल जित्दै शीर्ष स्थानमा अंक दुरी बढाउने मौका छ। चेन्नईलाई भने लगातार दोस्रो जित निकाल्ने अवसर छ।

खेलेका पाँचमध्ये चार खेल जितेको गुजरात आठ अंकका साथ शीर्ष स्थानमा छ । दोस्रो र तेस्रो स्थानमा रहेका लखनउ सुपर जायन्ट र रोयल च्यालेन्जर्स बैंगलोरको पनि समान ८ अंक छ। तर, गुजरातले एक खेल कम खेलेको छ। आजको खेल जितेमा गुजरातको १० अंक हुनेछ र शीर्ष स्थानमा दुई अङ्कको अग्रता बनाउनेछ।