कोरोना बढेपछि मनकामना मन्दिर प्रवेश निषेध

नेपालभ्युज

काठमाडौं। कोरोना संक्रमण तीव्र रुपमा फैलिँदै गएपछि मनकामना क्षेत्र विकास समितिले मनकामना मन्दिर प्रवेशमा रोक लगाउने निर्णय गरेको छ। मंगलबार बसेको सरोकारवालाहरूको बैठकले ६ गते (बिहीबार)देखि माघ मसान्तसम्म मन्दिर प्रवेशमा रोक लगाउने निर्णय गरेको हो।

यस अवधिमा नित्य पूजा बाहेक अन्य पूजा र मन्दिर प्रवेशमा रोक लगाउने निर्णय गरिएको मनकामना क्षेत्र विकास समितिका कार्यकारी निर्देशक देवेन्द्र गुरुङले जानकारी दिए।

मन्दिरमा भक्तजनबाट हुने बलीपुजा, लाख बत्ती बाल्ने जस्ता धार्मिक गतिविधिमा पनि निषेध गरिएको छ।