भोलिदेखि देशभरको मौसम बिस्तारै खुल्ने

नेपालभ्युज

काठमाडौं। आज (मंगलबार) देशभरको मौसम आंशिक बद्ली रहेको छ। आज सुदूरपश्चिम प्रदेश र प्रदेश–१ का एकदुई ठाउँमा हल्का वर्षाको सम्भावना रहेको जल तथा मौसम पूर्वानुमान महाशाखाले जनाएको छ।

पश्चिमी वायुको प्रभावले आज कतैकतै हल्का वर्षा भए पनि भोलिदेखि बिस्तारै मौसम खुल्दै जाने र घाम लाग्न सुरु हुने महाशाखाका मौसमविद् वरुण पौडेलले बताए।

उनकोे अनुसार आज बिहान हुस्सु, कुहिरो लागे पनि देशका धेरैजसो ठाउँमा दिउँसो घाम लाग्ने सम्भावना छ ।

भोलि पनि प्रदेश–१ मा भने आंशिकदेखि सामान्य बद्ली भई एकदुई ठाउँमा हल्का वर्षाको सम्भावना रहेको मौसम पूर्वानुमान महाशाखाले जनाएको छ। उच्च पहाडी र हिमाली क्षेत्रका एकदुई ठाउँमा हल्का हिमपात हुनेछ।