काठमाडौं। चिर प्रतिद्वन्द्वि पाकिस्तानले भारतमाथि ऐतिहासिक जित निकालेको छ। आईसीसी टी २० विश्वकपको आइतबारको खेलमा पाकिस्तानले भारतलाई १० विकेटले हराएको हो।
विश्वकपको इतिहासमै पाकिस्तानले भारतलाई हराएको यो पहिलोपटक हो। टी २० र एकदवसीय खेलमा १२ भिडन्तमा भारतले एकतर्फी जित हासिल गरेको इतिहास छ। जसमध्ये विश्वकपमा मात्रै भारतले पाँच खेल जितेको छ।
जितका लागि १ सय ५२ रनको लक्ष्य पछ्याएको पाकिस्तानले उक्त लक्ष्य कुनै विकेट नगुमाइ १७.५ ओभरमा पूरा गर्यो। पाकिस्तानको जितमा कप्तान बाबर आजमले अविजित २ बलमा ६ चौका र २ छक्काको मद्दतले ६८ रन र ओपनर मोहम्मद रिजवान ५५ बलमा ६ चौका र ३ छक्काको मद्दतले ७९ रनको योगदान दिए।
दुबई इन्टरनेशनल क्रिकेट स्टेडियममा शुरुआती ब्याटिङमा उत्रिएको भारतको ओपनिङ राम्रो हुन सकेको थिएन। ओपनर रोहित शर्मा शून्य रनमा र केएल राहुल ३ रनमा आउट भएका थिए। दुवै ओपनरलाई पाकिस्तानका चर्चित खेलाडी साहिद अफ्रीदीले आउट गराएका थिए। बलिङतर्फ पाकिस्तानका सहीन अफ्रीदीले सर्वाधिक ३ विकेट लिँदा हसन अलीले २ र शहाब खान र हरिस रउफले १ विकेट लिए।
अब भारत-पाकिस्तानको यो विश्वकपमा हुन सक्ने भेट दुबई पुगेर सफल भएमा फाइनलमा मात्रै हो। हारसँगै इतिहासमा पाकिस्तानसँग क्रिकेट म्याच हार्ने भारतका पहिलो क्याप्टेन विराट कोहली भएका छन्।
Facebook Comment
Comment