फिफा वरीयता

एक स्थान झर्यो नेपाल

साफको इतिहासमा पहिलोपटक फाइनल पुग्दै उपविजेता बनेको नेपाल फिफा वरीयतामा भने खस्केको हो।

नेपाल भ्यूज

एक स्थान झर्यो नेपाल
फाइल फोटो

काठमाडौं। नेपाल फिफाको वरीयतामा एक स्थान तल झरेको छ। विश्व फुटबलको सर्वोच्च निकाय फिफाको विश्व वरीयतामा नेपाल एक स्थान झरेको हो।

फिफाले बिहीबार सार्वजनिक गरेको नयाँ वरीयताअनुसार नेपाल १६९ औँ स्थानमा रहेको छ। यसअघि नेपाल १६८ औँ स्थानमा रहेको थियो।

साफको इतिहासमा पहिलोपटक फाइनल पुग्दै उपविजेता बनेको नेपाल फिफा वरीयतामा भने खस्केको हो। तर, नेपाल दक्षिण एशियाली राष्ट्रहरुको वरीयतामा भने तेस्रो स्थानमा रहेको छ।

दक्षिण एशियामा नेपालभन्दा अघि भारत र माल्दिभ्स मात्र रहेका छन्। भारत १०६ औँ स्थानमा रहँदा माल्दिभ्स १५६ औँ स्थानमा रहेको छ।

नयाँ वरीयताको शीर्ष स्थानमा बेल्जियम यथावत रहेको छ। ब्राजिल दोस्रो, फ्रान्स तेस्रो तथा इटाली चौथो र इंग्ल्यान्ड पाँचौ स्थानमा रहेका छन्।

Leave a Reply

Your email address will not be published. Required fields are marked *

सम्बन्धित

ट्रेन्डिङ

Copyright © 2022 Digital House Nepal Pvt. Ltd. - All rights reserved