काठमाडौं। जनता समाजवादी पार्टी (जसपा)ले चार मन्त्रीको नाम बुझाएको छ। अध्यक्ष उपेन्द्र यादवले रेणु यादव, रामसहाय प्रसाद यादव, महेन्द्र राय यादव र राजेन्द्र प्रसाद श्रेष्ठको नाम प्रधानमन्त्री शेर बहादुर देउवालाई बुझाएको जसपाले जनाएको छ।
गठबन्धन बैठकको छलफलबाट जसपाले संघीय मामिला तथा सामान्य प्रशासन, भौतिक पूर्वाधार तथा यातायात, वन तथा वातावरण र कृषि तथा पशुपंछी विकास मन्त्रालय पाएको थियो।
जसपाका अनुसार रेनु भौतिक पूर्वाधार तथा यातायात, रामसहाय वन तथा वातावरण, महेन्द्र राय यादव कृषि तथा पशुपंछी र राजेन्द्र संघीय मामिला तथा सामान्य प्रशासन मन्त्रालय पाउँदैछन्।
प्रधानमन्त्री देउवाले बिहीबार नै मन्त्रीहरूको नाम मागेकोमा आन्तरिक सहमति नजुट्दा जसपाले नाम बुझाउन सकेको थिएन।
यसअघि माओवादी केन्द्र र नेकपा (एकीकृत समाजवादी) ले मन्त्रीहरुको नाम टुंग्याई सकेका छन्। प्रधानमन्त्री देउवा आजै मन्त्रिपरिषद् विस्तारको तयारीमा छन्।
Facebook Comment
Comment