‘द भेजिटेरियन’को नेपाली अनुवाद आउँदै

नेपाल भ्युज

‘द भेजिटेरियन’को नेपाली अनुवाद आउँदै

काठमाडौँ। कोरियाली लेखक ‘हान काङ’को सन् २०१६ को ‘म्यान बुकर पुरस्कार’ विजेता पुस्तक ‘द भेजिटेरियन’ नेपाली भाषामा प्रकाशन हुने भएको छ।

विश्व अनुवाद दिवसको अवसरमा शुभकामना दिँदै प्रकाशन गृह ‘बुक-हिल’ले उक्त किताबको अनुवाद अधिकार लिई किताब प्रकाशनको तयारी गरिएको जानकारी दिएको छ।

किताबको अनुवाद प्रवीण अधिकारीले गरेका हुन्। जनवरी २०२० सम्म उक्त किताब पाठकमाझ ल्याइने बुक-हिलले जनाएको छ।

बुक-हिलले गत वर्ष अंग्रेजी भाषाबाट ४ ओटा किताब नेपाली भाषामा अनुवाद गरी प्रकाशन गरेको थियो।

दशैँको छेकोमा योङ्गे मिङ्युर रिम्पोछेको ‘द जोय अफ् लिभिङ’ को नेपाली अनुवाद ‘जिउनुको मज्जा’ (अनुवादक- सरोज धिताल), चिनियाँ लेखक सुयमोका कथाको अनुवाद ‘सिनचियाङ बुढो’ (अनुवाद मल्ल के सुन्दर), फ्रान्ज काफ्काको ‘द मेटामोर्फसिस’ (अनुवाद- रामचन्द्र केसी) प्रकाशन गर्ने तयारी बुक-हिलले गरेको छ।

Leave a Reply

Your email address will not be published.

थप समाचार

लोकप्रिय (यो साता)

Copyright © 2022 Digital House Nepal Pvt. Ltd. - All rights reserved