एमालेको तेजिलो गतिका लागि मैले पद त्याग गरेँ : शेरधन राई

नेपाल भ्यूज

एमालेको तेजिलो गतिका लागि मैले पद त्याग गरेँ : शेरधन राई

काठमाडाैं। नेकपा एमालेका नेता तथा प्रदेश १ का पहिलो मुख्यमन्त्री शेरधन राईले आफूले पार्टीको तेजिलो गतिका लागि परिस्थितिको मागअनुसार मुख्यमन्त्री पद त्यागेको बताएका छन्।

सामाजिक सञ्जालमार्फत नयाँ मुख्यमन्त्री बनेका भीम आचार्यलाई बधाई दिँदै राईले आफूले पार्टी एकता कायम राख्दै तेजिलो गति दिनका लागि आफूले त्याग गरेको बताएका छन्।

बिहीबार मात्रै संसदीय दलको नेता र मुख्यमन्त्री पद दुवै एमाले सचिव तथा प्रदेश १ का प्रदेश सांसद आचार्यलाई बुझाएका राईले आफूले देश र पार्टीको हितका लागि सहज रुपमा पद हस्तान्तरण गरेका बताए।

आफूले मुख्यमन्त्री पद त्याग गरेर आचार्यलाई मुख्यमन्त्री बनाएसँगै पार्टीभित्र भएको १० बुँदे सहमति कार्यान्वयनमा गएको राईले बताए। उनले नवनियुक्त मुख्यमन्त्री आचार्यलाई सफल कार्यकालको लागि शुभकामना दिएका छन्।

तपाईंलाई नेपाल भ्यूज कस्तो लागिरहेको छ ? तपाईंले हामीलाई फेसबुक, युट्युब, ट्विटर, टिकटक मार्फत् सल्लाह, सुझाव र प्रतिक्रिया दिन सक्नुहुन्छ ।

Leave a Reply

Your email address will not be published. Required fields are marked *

सम्बन्धित

Copyright © 2021 Digital House Nepal Pvt. Ltd. - All rights reserved