बिहीबारदेखि काठमाडाैंमा भेरोसेल खोपको पहिलो मात्रा दिइने

नेपालभ्युज

बिहीबारदेखि काठमाडाैंमा भेरोसेल खोपको पहिलो मात्रा दिइने

काठमाडौं । काठमाडाैं महानगरपालिकाले भोलि (भदौ १० गते) देखि कोरोना भाइरसविरुद्ध भेरोसेल खोप अभियान सञ्चालन गर्ने भएको छ।

बुधबार सूचना जारी महानगरले भेरोसेल खोपको पहिलो मात्रा बिहीबारदेखि लगाइने र पहिलो मात्रा लगाएको २१ दिन पूरा भएकालाई भदौ ११ देखि १३ गतेसम्म दोस्रो मात्रा दिन लागिएको जनाएको छ।

महानगरपालिकाको ३२ वटै वडाबाट बिहान १० बजेदेखि अपराह्न ४ बजेसम्म खोप लगाउन सकिनेछ। खोपको पहिलो मात्रा लगाउन आफ्नो परिचय खुल्ने कागजातसहित वडास्थित खोप केन्द्रमा जान महानगरले आग्रह गरेको छ। ​

पहिलो मात्राको खोप ४० वर्षभन्दा माथिका नागरिक,र १८ वर्ष पूरा गरेका कक्षा ११ र १२ मा अध्ययनरत विद्यार्थी र विश्वविद्यालय तहको परीक्षार्थीहरूलाई दिने भएको हो। परीक्षार्थीहरूले प्रवेश पत्रका आधारमा खोप पाउने व्यवस्था गरेको महानगरले जनाएको छ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved