वसुन्धारा क्षेत्रमा चलाइयो महानगरको डोजर

नेपालभ्युज

काठमाडौं। काठमाडौं महानगरपालिकाले अनधिकृत संरचना हटाउने कार्यलाई तीव्रता दिएको छ ।

बुधबार बिहान महानगरको टोलीले काठमाडौंको वसुन्धारा क्षेत्रमा रहेका अनधिकृत संरचनालाई डोजर लगाएर हटाएको छ । सो क्षेत्रमा नक्सापासविपरीत बनाइएका घर-टहरा र सडक मिचेर बनाइएका कम्पाउन्ड पनि भत्काइएको छ ।

महानगरले सडकछेउमा फुटपाथ अतिक्रमण गरेर व्यापार नगर्न चेतावनी दिएको छ । महानगरले नक्सापास नगरी निर्माण गरिएका र नक्सामा उल्लेखभन्दा फरक रूपमा प्रयोग गरिएका संरचना हटाउने कार्यलाई तीव्रता दिएको जनाइएको छ ।