पहिरोका कारण मुग्लिन-नारायणगढ सडकखण्ड बन्द

पहिरो झरेपछि मुग्लिन-नारायणगढ सडकखण्ड बन्द भएको छ । गएराति साढे २ बजे चितवनको भरतपुर महानगरपालिका–२९ केराबारीमा लेदोसहितको पहिरो खस्दा सडक बन्द भएको हो ।

नेपालभ्युज

काठमाडौं। पहिरो झरेपछि मुग्लिन-नारायणगढ सडकखण्ड बन्द भएको छ । गएराति साढे २ बजे चितवनको भरतपुर महानगरपालिका–२९ केराबारीमा लेदोसहितको पहिरो खस्दा सडक बन्द भएको हो ।

रातिदेखि नै पहिरोका कारण सडक ठप्प भएपछि अहिले यो सडकखण्डमा गाडीको लामो लाइन लागेको छ । पहिरो हटाउन दुई तीन घण्टा लाग्ने जिल्ला प्रहरी कार्यालय चितवनले जनाएको छ । अहिले दुई वटा डोजरको प्रयोग गरेर पहिरो पन्छाउने काम भईरहेको प्रहरीले जनाएको छ ।

गएको साउन महिनामा पनि यो क्षेत्रमा पटक–पटक पहिरो खसेर सडक अवरुद्ध भएको थियो ।