दैलेखमा बस दुर्घटना हुँदा ४ जनाको मृत्यु

मुगुबाट नेपालगन्जका लागि छुटेको बस दैलेखमा बुधबार राति बस दुर्घटना हुँदा ४ जनाको ज्यान गएको छ।

नेपालभ्युज

सुर्खेत। मुगुबाट नेपालगन्जका लागि छुटेको बस दैलेखमा बुधबार राति बस दुर्घटना हुँदा ४ जनाको ज्यान गएको छ।

म १ ख ६६० नम्बरको बस दैलेखको आठबीस नगरपालिका २ सिस्नेमा दुर्घटना हुँदा ३ जनाको घटनास्थलमा र एक जनाको उपचारका क्रममा मृत्यु भएको प्रहरीले जनाएको छ।

दुर्घटनामा परी घाइते भएका ९ जनाको दैलेखमा सामान्य उपचार भइरहेको छ। अन्य ३८ जनालाई थप उपचारका लागि सुर्खेत पठाइएको प्रहरीले जनाएको छ।
बसमा कति सवार थिए भन्ने एकिन तथ्याङ्क छैन। थप जानकारी आउन बाँकी छ।