एक लाख ३५ हजार हेलिकप्टर भाडा तिरेर सुत्केरीको उद्धार

सुर्खेत। नवजात शिशुको जन्म दिएर थला परेकी एक सुत्केरी महिलाको एक लाख २५ हजार भाडा तिरेर उद्धार गरिएको छ।

हुम्लाको चंखेली गाउँपालिका–५ नेप्काकी ३५ वर्षीया तुला तामाङको एक लाख २५ हजार खर्च गरेर हेलिकप्टरमार्फत् उद्धार गरिएको हो।

नवजात शिशुको जन्म दिएर उच्च रक्तश्राव भएर थला परेपछि उनलाई हेलिकप्टरमार्फत उद्धार गरिएको हो।

तामाङको तीन दिनअघि शिशु जन्मिएको र उच्च रक्तश्रावका कारण थला परेकी उनको हेलिकप्टरबाट उद्धार गरी जिल्ला अस्पताल सिमकोटमा उपचार शुरु गरिएको आफन्त जसिलाल तामाङले जानकारी दिए।

“शरीर सुन्निएर श्वासप्रश्वासमा समस्या देखिएपछि एक लाख ३५ हजार हेलिकप्टर भाडा तिरेर सदरमुकाम सिमकोट पु¥याएका छौँ,” उनले भने, “दुर्गम पहाडी क्षेत्रका नागरिकले उपचार नै पाउन समस्या रहेको छ।”