१५ मिनेटको लागि भन्दै स्थगित संसद् बैठक चार घण्टासम्म सुरू हुन सकेन, सभामुख दलका सचेतकसँग

नेपालभ्युज

काठमाडौं । सत्ता–प्रतिपक्षी दलका सांसदको आरोप प्रत्यारोपपछि १५ मिनेटको लागि भन्दै स्थगित प्रतिनिधि सभा साढे घण्टा बितिसक्दा पनि सुरु हुन सकेको छैन ।

शुक्रबार बिहान बसेको बैठकमा सत्ता प्रतिपक्षबीच जुहारी चलेपछि सभामुख देवराज घिमिरेले १५ मिनेटको लागि भन्दै स्थगन गरेका थिए । १२ बजेर १० मिनेटमा स्थगित बैठक अपराह्नको झन्डै ४ बज्न लाग्दा समेत सुरु हुन सकेको छैन ।

सभामुख देवराज घिमिरेले प्रमुख दलका सचेतकसँग छलफल शुरू गरेपछि संसद् सचिवालयका महासचिव पद्मप्रसाद पाण्डेले साढे २ बजे बस्ने भन्दै सूचना प्रकाशित गरेका थिए । त्यो सूचना आएको डेढ घण्टा हुन लाग्दा पनि बैठक सुरु नभएको हो ।