सहकर्मी कुटिएपछि आन्दोलित केएमसीमा चिकित्सकले एम्बुलेन्स पनि छिर्न दिएनन् (तस्वीरहरू)

काठमाडौं । उपचारका क्रममा सहकर्मीमाथि कुटपिट भएको विरोधमा सिनामंगलस्थित काठमाडौं मेडिकल कलेजका चिकित्सक आन्दोलित भएका छन् । आइतबार सहकर्मी कुटिएपछि आन्दोलनमा उत्रिएका उनीहरुले आज पनि अस्पताल परिसरमा प्रदर्शन गरेका छन् । उनीहरुको प्रदर्शनका कारण बिरामी ल्याएको एम्बुलेन्ससम्म रोकिएको छ ।

आन्दोलित चिकित्सकहरुले एम्बुलेन्सलाई अस्पतालको मुख्य प्रवेश द्वारबाट छिर्न नदिएका हुन् । उनीहरुले एम्बुलेन्सलाई वैकल्पिक द्वार प्रयोग गर्न भनेका छन् ।

किड्नीसम्बन्धी बिरामी भएर उपचारका लागि ल्याइएका भोजराज गौतमको उपचारका बारेमा विवाद भएपछि उनका छोरा र भतिजले डाक्टरमाथि हातपात गरेका थिए ।

भोजराजका छोरा रुपक गौतम र भतिज सरोज गौतमलाई प्रहरीले नियन्त्रणमा लिइसकेको छ । उनीहरुले उपचारमा संलग्न डा. मनिश खड्कामाथि हातपात गरेका थिए ।