पाल्पाबाट काठमाडौंका लागि छुटेको रात्रि बस दुर्घटना

काठमाडौं । पाल्पाबाट काठमाडौंका लागि छुटेको लु २ ख १४०३ नम्बरको बस तानसेन नगरपालिका–४ बारुदखानमा दुर्घटना भएको छ ।

बिहीबार बेलुकी भएको सो रात्रि बस दुर्घटनामा कम्तीमा २० जना घाइते भएको जिल्ला प्रहरी कार्यालय पाल्पाले जनाएको छ ।

दुर्घटनाका घाइतेलाई तानसेनको मिसन अस्पतालमा पठाइएको छ । अस्पतालका अनुसार घाइतेमध्ये दुई जनाको अवस्था गम्भीर रहेको छ ।

बसको ब्रेक फेल भएपछि दुर्घटना भएको प्रहरीले जनाएको छ । घटनाका सम्बन्धमा थप अनुसन्धान भइरहेको बताइएको छ ।

लोकप्रिय (यो साता)