अन्त्येष्टि गर्ने बेला ‘मृतक’ महिलाले कफिनभित्रबाटै ढकढक गरेपछि…. 

एजेन्सी। इक्वेडोरकी एक महिला मृत्यु भएको केही दिनपछि अन्त्येष्टि गर्ने क्रममा जिवितै भेटिएकी छिन् ।

अन्त्येष्टीको क्रममा आफन्तजन उभिएर प्राथना गर्ने क्रममा कफिन भित्रैबाट महिलाले ढकढक गरेपछि सबैजना छक्क परेका थिए । उनलाई तुरुन्तै उपचारको लागि सोही अस्पतालमा पुर्‍याइयो र उपचार चलिरहेको छ ।

७६ वर्षीया बेला मोन्टोयालाई गत हप्ता बाबाहोयो सहरको एक अस्पतालमा चिकित्सकले मृत घोषणा गरेका थिए। कफिनबाट झिकेर सघन हेरचाहमा सात दिन पछि, इक्वेडरको स्वास्थ्य मन्त्रालयले शुक्रबार उनको स्ट्रोकबाट मृत्यु भएको पुष्टि गर्‍यो।

एक स्थानीय पत्रिकासँग कुरा गर्दै उनका छोरा गिल्बर्ट बारबेराले भने, “यस पटक मेरी आमाको साँच्चै मृत्यु भयो। मेरो जीवन यस्तै हुनेछैन।”

स्थानीय मिडियाका अनुसार मोन्टायालाई चेतना गुमाउने र शरीर कठोर हुने रोग लागेको थियो । इक्वेडोरको स्वास्थ्य मन्त्रालयले यो घट्नाको अध्ययन गर्न विज्ञहरूको एक आयोग गठन गरेको छ।