इराकमा १४ जनालाई मृत्युदण्डको सजाय

एजेन्सी।  इराकी अदालतले कम्तीमा पनि १४ जना आतङ्ककारीलाई मृत्युदण्डको सजाय सुनाएको छ। ती व्यक्ति नागरिकको आमहत्यामा संलग्न रहेको पाइएको थियो ।

नागरिक हत्यामा संलग्न पाइएको भन्दै यहाँको एक अदालतले  १४ जनालाई मृत्युदण्डको सजाय सुनाएको हो ।

सन् २०१४ मा इराकको टिक्रिट शहरमा आईएस आतंककारीले कब्जा गर्ने प्रयास गरेका थिए । त्यसक्रममा कम्तीमा पनि एक हजार ७०० जना इराकी सैनिक मारिएका थिए ।

यसरी आमरूपमा मारिएका ती सैनिकको हत्यामा संलग्नताको पुष्टि भएपछि उनीहरूलाई मृत्युदण्डको सजाय सुनाइएको हो । इराकी शहर टिक्रिटलाई कब्जा गर्ने क्रममा आईएसले सो समयमा यहाँका सैनिकमाथि धावा बोलेका थिए ।

उनीहरूले ड्युटीमा रहेका सैनिकमाथि हमला गरेका थिए । ती भिडियोहरू सो समयमा पनि सार्वजनिक भएका थिए ।