एआइजी बढुवाको तयारी, दीपक थापा पहिलो नम्बरमा

काठमाडौं। सरकारले रिक्त रहेका चार प्रहरी अतिरिक्त महानिरीक्षक (एआइजी) पदमा बढुवाको तयारी गरेको छ। ०७९ असारमा प्रहरी नायब महानिरीक्षक (डिआइजी)मा बढुवा भएकाहरूबाट बढुवा तयारी गरेको हो।

दीपक थापा, वसन्तबहादुर कुँवर, टेकप्रसाद राई, अशोक सिंहबीच पहिलो नम्बरको एआइजीमा प्रतिस्पर्धा चलेको छ।

उनीहरूसँगै बागमती प्रदेश प्रहरी कार्यालयमा कार्यरत डिआइजी किरण बज्राचार्य, उपत्यका ट्राफिक प्रहरी कार्यालयमा कार्यरत मीरा चौधरीसहित सन्दीप भण्डारी, दुर्गा सिंह र किरण राणा पनि एआइजीका प्रतिस्पर्धी हुन्।

एआईजीहरू विश्वराज पोखरेल, मुकुन्दराज आचार्य, अरुणकुमार बिसी र रवीन्द्रबहादुर धानुकले अवकाश पाएसँगै प्रहरीमा चार एआइजी पद रिक्त थियो।

यी मध्ये दीपक थापा पहिलो नंबरमा बढुवा हुने लगभग निश्चित रहेको स्रोतको दाबी छ।