आज दुई संसदीय समितिको बैठक बस्दै, के छ कार्यसूची ?

नेपालभ्युज

काठमाडौं । आज दुईवटा संसदीय समितिको बैठक बस्दै छ । सङ्घीय संसद् अन्तर्गत राज्य व्यवस्था तथा सुशासन समिति र विधायन व्यवस्थापन समितिको बैठक बस्न लागेको हो ।

बिहान ११ बजे बस्ने राज्य व्यवस्था तथा सुशासन समितिको बैठकमा नेपाल नागरिकता ऐन,२०६३ लाई संशोधन गर्न बनेको विधेयक, सम्बन्धमा छलफल गर्ने कार्यसूची छ ।

यस्तै दिउँसो १ बजेको विधायन व्यवस्थापन समितिको बैठकमा केही नेपाल ऐनलाई संशोधन गर्ने विधेयक, २०८० माथि दफावार छलफल हुने कार्यसूचीमा जनाइएको छ ।