प्रतिनिधिसभाको गतिरोध अन्त्यका लागि कांग्रेस र रास्वपाबीच कुरा मिलेन

नेपालभ्युज

काठमाडौं । प्रतिनिधिसभाको गतिरोध अन्त्यका लागि सत्तारुढ दल नेपाली कांग्रेस र प्रतिपक्षी राष्ट्रिय स्वतन्त्र पार्टी (रास्वपा)बीच भएको छलफल बिनानिष्कर्षमा टुंगिएको छ ।

गृहमन्त्री रमेश लेखक मुछिएको भिजिट भिसा प्रकरणमा दुई दलबीच कुरा नमिलेपछि बैठक विनानिष्कर्ष टुंगिएको हो ।

दुवै दलले आ–आफ्नो अडान नछोडेपछि छलफल विनानिष्कर्ष टुंगिएको रास्वपाका प्रमुख सचेतक सन्तोष परियारले नेपालभ्युजलाई जानकारी दिए ।

‘उहाँहरूले आफ्नो अडान छोड्नु भएन, हामीले पनि अडान कायमै राख्यौं,’ उनले भने ।

रास्वपाले गृहमन्त्री लेखकले राजीनामा दिनुपर्ने अडान कायम राखेको र यसका कांग्रेस सहमत नभएको उनले बताए ।