तीन दिनदेखि लगातार बढ्दै सुनको भाउ

काठमाडौं । नेपाली बजारमा सुनको मूल्य लगातार तीन दिनदेखि बढिरहेको छ ।

नेपाल सुनचाँदी व्यवसायी महासङ्घकाअनुसार आज छापावाल सुनको मूल्य तोलामा ३ सय रुपैयाँले बढेको छ ।

सुन तोलाको १ लाख ७० हजार ७ सय रुपैयाँमा कारोबार भइरहेको छ । यसअघि मङ्गलबार सुन तोलामा १ हजार ४ सय रूपैयाँ र बुधबार ९ सय रूपैयाँले बढेको थियो ।

यस्तै, आज चाँदीको मूल्य पनि बढेको छ । तोलामा ३५ रुपैयाँले बढेर चाँदी १ हजार ९ सय ८५ रुपैयाँमा कारोबार भइरहेको महासङ्घले जनाएको छ ।

लोकप्रिय (यो साता)