दुई सातामा ११ हजारले घट्यो सुनको भाउ, आज प्रतितोला कती ?

काठमाडौं। नेपाली बजारमा सुनको भाउले पछिल्लो दुई सातामा झण्डै ११ हजार रुपैयाँले गिरावट भोगेको छ । आज (आइतबार) सुनको मूल्य प्रतितोला १ लाख ६० हजार रुपैयाँ कायम भएको छ । जुन शुक्रबारको तुलनामा १ सय रुपैयाँले कम हो ।

कात्तिक १५ मा अन्तर्राष्ट्रिय बजारमा सुनको मूल्य उच्च बिन्दुमा पुगेको थियो । त्यो दिन सुन प्रतितोला १ लाख ७१ हजार रुपैयाँमा कारोबार भएको थियो ।

त्यसयता लगातार घट्दै आएको सुनको मूल्य आजसम्म झण्डै ११ हजार रुपैयाँले घटिसकेको छ ।

नेपाल सुनचाँदी व्यवसायी महासंघका अनुसार, आज चाँदीको मूल्य प्रतितोला १ हजार ९ सय ५ रुपैयाँमा स्थिर छ ।

कात्तिक १५ यता सुनको भाउ

केले गरायो मूल्य घटबढ ?

अन्तर्राष्ट्रिय बजारको उतारचढाव, डलरको विनिमय दर, माग घटबढ र आर्थिक अनिश्चितताले सुनको मूल्यमा असर पारिरहेको व्यवसायीहरू बताउँछन् ।

नेपालमा सुनको मूल्य घटेको खबरले गहना खरिद गर्नेहरूका लागि यो उपयुक्त समय हुन सक्छ । तर, आर्थिक अनिश्चितताका कारण आगामी दिनमा मूल्य पुनः उकालो लाग्न सक्छ भन्ने अनुमान पनि छ ।