खादा र माला नलगाउने महर्जनको उद्घोष, भने- जितेको दिन जनताको हातको लगाउँछु

काठमाडौं । आउँदो मंसिर १६ गते हुने उपनिर्वाचनका लागि नेकपा (माओवादी केन्द्र) बाट कीर्तिपुर नगरपालिका प्रमुखका उम्मेदवार प्रा.डा. शिवशरण महर्जनले खादा र माला नलगाउने घोषणा गरेका छन् ।

बुधबार कीर्तिपुर नगरपालिकाका लागि उम्मेदवार घोषणा सभालाई सम्बोधन गर्दै उनले यस्तो बताएका हुन् ।

माओवादी केन्द्रका अध्यक्ष पुष्पकमल दाहाल ‘प्रचण्ड’का स्वकीय सचिव रमेश मल्लका अनुसार महर्जनले जितेको दिन जनताको हातबाट खादा र माला लगाउने प्रतिबद्धता जनाएका छन् ।

“उहाँले कीर्तिपुर नगरपालिकाको उपचुनावमा नगरप्रमुख पदको आफ्नो उम्मेदवारी घोषणा सभामा खादा र माला नलगाउने भन्दै चुनाव जितेको दिन जनताको हातको माला लगाउँछु,” मल्लले भने ।