यस्ता व्यक्तिले नखानुहोस् काउली

एजेन्सी । स्वास्थ्यको लागि मौसमी फलफूल र तरकारी खानु महत्त्वपूर्ण मानिन्छ । काउली यस्तै एक तरकारी हो, जसको सेवनले धेरै फाइदाहरू पनि हुन सक्छ ।

काउली धेरै पोषक तत्त्वहरू र वनस्पति–आधारित यौगिकहरूले भरिएको तरकारी हो, जसले मुटु रोग र क्यान्सर लगायत धेरै रोगहरूको जोखिम कम गर्न मद्दत गर्छ ।

काउलीमा क्यालोरी धेरै कम हुन्छ र यो विभिन्न भिटामिन र खनिजहरूले भरीपूर्ण छ । यसमा भिटामिन सी, फोलेट र भिटामिन–के सहित धेरै खनिजहरू पनि पाइन्छ । तर, के तपाईंलाई थाहा छ कि केही मानिसहरूले काउली धेरै खानु हुँदैन ? यो तरकारीले केही व्यक्तिहरूको स्वास्थ्य समस्यालाई बढाउन सक्छ ।

थाइराइड छ भने काउलीको सेवन नगर्नुहोस्

धेरै स्वास्थ्य लाभका साथै काउलीका केही नकारात्मक प्रभावहरू पनि हुन सक्छ । अध्ययनहरूले देखाएका छन् कि थाइराइड भएका व्यक्तिहरूले यसबाट टाढा रहनुपर्छ ।

वास्तवमा काउलीले टी-३ र टी-४ हर्मोनको स्तरलाई प्रभावित गर्न सक्छ, त्यसैले यो स्वास्थ्य समस्या भएका व्यक्तिहरूले काउली खानु हुँदैन ।

काउलीमा भिटामिन ए, बी र सी पाइन्छन्, जुन स्वास्थ्यको लागि फाइदाजनक हुन्छ । यद्यपि, दैनिक काउली खाँदा केही मानिसहरूलाई पेट फुल्ने, ग्यास र एसिडिटीको समस्या हुन सक्छ । त्यसैगरी पित्त थैली वा मिर्गौलामा पत्थरी भएकाहरूले पनि काउली खानबाट बच्नुपर्छ ।

फाइदा

काउलीमा फाइबरको मात्रा धेरै हुन्छ, जुन समग्र स्वास्थ्यको लागि फाइदाजनक छ । १०० ग्राम काउलीमा २ ग्राम फाइबर हुन्छ, जुन तपाईंको दैनिक आवश्यकताको ७ प्रतिशत हो ।

फाइबरयुक्त खानेकुराहरूले तपाईंको पेटमा स्वस्थ ब्याक्टेरियालाई पोषण दिन्छ, जसले पाचन राम्रो राख्छ । सुगर लेभल र कोलेस्ट्रोल घटाउन पनि फाइबरयुक्त खानेकुराहरू फाइदाजनक हुन्छ । यसबाहेक काउली एन्टिअक्सिडेन्टको उत्कृष्ट स्रोत हो, जसले तपाईंका कोषिकाहरूलाई हानिकारक फ्री रेडिकल्सबाट बचाउन र क्रोनिक रोगहरूको जोखिम कम गर्न मद्दत गर्छ ।

स्वास्थ्य विज्ञका अनुसार उमालेको वा राम्रोसँग पकाएको काउली मात्र खानुपर्छ । साथै, एक दिन काउली खाएपछि केही दिनको अन्तराल अवश्य राख्नुहोस् । काउलीको सेवन सीमित मात्रामा मात्र गर्नुहोस् । थाइराइडजस्ता समस्या भएकाले यसबाट टाढा रहनु राम्रो हुन्छ ।

काउलीमा क्याल्सियम पनि धेरै हुन्छ, जसले पत्थरीको समस्या बढाउन सक्छ । सीमित मात्रामा यसको सेवन गर्नुपर्छ ।