बालोन डी’ओर २०२३: रोड्री बने विजेता, रियल मड्रिडले गर्यो बहिष्कार

काठमाडौं । यसवर्षको प्रतिष्ठित बालोन डी’ओर अवार्ड स्पेनका राष्ट्रिय फुटबल खेलाडी र म्यानचेस्टर सिटीका मिडफिल्डर रोड्रीले जितेका छन् ।

पेरिसस्थित थिएटर डु शाटेलेटमा भव्य समारोहका बीच रोड्रीलाई यो अवार्ड प्रदान गरिएको थियो ।

रोड्रीले यसै वर्ष स्पेनलाई युरो कप जिताउन महत्वपूर्ण भूमिका निभाए । साथै म्यानचेस्टर सिटीलाई प्रिमियर लिगको चौथो उपाधि दिलाउन पनि योगदान पुर्याएका थिए ।

२८ वर्षीय रोड्री सेप्टेम्बरमा घुँडाको चोटका कारण केही समय मैदान बाहिर थिए, तर उत्कृष्ट प्रदर्शनका कारण उनलाई बालोन डी’ओरको सम्मान दिइयो ।

महिलातर्फको अवार्ड भने बार्सिलोनाकी एइताना बोनमतीले जितेकी छिन् । २५ वर्षीय एइतानाले स्पेन र बार्सिलोनाका लागि उत्कृष्ट प्रदर्शन गर्दै महिला विश्वकप २०२३ जिताउन महत्त्वपूर्ण योगदान गरेकी थिइन् ।

यता, रियल म्याड्रिडले भने यस वर्षको बालोन डी’ओर कार्यक्रम बहिष्कार गरेको छ । क्लबका स्टार खेलाडी भिनिसियस जुनियरले यो अवार्ड जित्ने अपेक्षा गरिएको थियो । तर अन्तिम निर्णयमा रोड्रीलाई विजेता घोषित गरिएपछि रियल म्याड्रिडले असन्तुष्टि जनाउँदै कार्यक्रम बहिष्कार गरेको हो ।

बालोन डी’ओरको इतिहासमा सन् २००८ यता लियोनल मेस्सी र क्रिस्टियानो रोनाल्डोबाहेक अन्य खेलाडीलाई यो अवार्ड प्रदान गरिएको यो तेस्रोपटक हो ।

सन् २०१८ मा लुका मोड्रीच र २०२२ मा करिम बेन्जेमाले यो अवार्ड जितेका थिए। यस वर्ष भने मेस्सी र रोनाल्डो दुवै मनोनयनमा परेनन्, गत वर्ष मेस्सीले यो अवार्ड जितेका थिए ।