स्वास्थ्यमन्त्रीको दाबी- क्यान्सर र किड्नी स्क्रिनिङको व्यवस्था तीन महिनाभित्र हुन्छ

नेपालभ्युज

काठमाडौं । स्वास्थ्यमन्त्री प्रदीप पौडेलले क्यान्सर र किड्नी स्क्रिनिङको व्यवस्था अबको तीन महिनाभित्र सर्वशुलभ हुने दाबी गरेका छन् ।

बिहीबार मन्त्रालयमा १०० दिने उपलब्धि सार्वजनिक गर्न आयोजित पत्रकार सम्मेलनमा उनले यस्तो दाबी गरेका हुन् ।

“क्यान्सर र किड्नी स्क्रिनिङको व्यवस्था अब तीन महिनाभित्र गर्ने प्रयास गरिरहेका छौँ,” उनले भने, “घर छेउको अस्पतालमा गएर गर्नुस् भन्ने मन छ ।”

अगाडि उनले भने, “मोबाइल रिङटोन बजाएर घर छेउको अस्पतालमा गएर क्यान्सर र किड्नी स्क्रिनिङ गर्नुहोला भन्ने सूचना बजाउने मन छ । तर, आवश्यक स्रोत, साधन जुटाउन नसकेकाले त्यो गर्न सकेका छैनौँ ।”