बाढीपहिरो प्रभावित स्थानीय तहलाई ५० लाखदेखि १ करोडसम्म राहत

नेपालभ्युज

काठमाडौं । बाढी, पहिरो र डुवानपछि संकटग्रस्त क्षेत्र घोषणा गरिएका स्थानीय तहलाई संघीय सरकारले ५० लाखदेखि १ करोड रुपैयाँसम्म राहत रकम दिने भएको छ ।

बिहीबार बसेको राष्ट्रिय विपद जोखिम न्युनीकरण तथा व्यवस्थापन प्राधिकरण कार्यकारी समितिको बैठकले १२ असोजको बाढीपहिरोपछि संकटग्रस्त क्षेत्र घोषणा स्थानीय तहलाई राहत दिने निर्णय गरेको हो ।

बैठकले २० जिल्लाका ७१ स्थानीय तहलाई ३ समूहमा बर्गीकरण गरी राहत रकम दिने प्राधिकरणका सहसचिव बसन्त अधिकारीले जानकारी दिए ।

उनका अनुसार पहिलो समूहमा रहेका ९ स्थानीय तहले १ करोड, दोस्रो समूहमा रहेका १२ स्थानीय तहले ७५ लाख र तेस्रो समूहमा रहेका ५० स्थानीय तहले ५० लाख रुपैयाँ पाउने भएका छन् ।