वर्षाले काठमाडौंमा बाढी, कलंकीमा पुल डुब्दा तरकारी बजार समेत पानी-पानी (भिडिओ)

नेपालभ्युज

काठमाडौं । ठूलो वर्षाले कलंकीमा खोला नदी आसपासको बस्तीमा बाढी पसेको छ । बाग्मती नदीमा आएको बाढीले केही पुलको तलको भाग समेत छोपिएका छन् । बल्खुको तरकारी बजार पनि डुबेको छ ।

देशभर सक्रिय मनसुनका कारण बागमतीका साथै धेरै नदीमा सतह बढेको छ ।

ती नदी तथा खोला आसपास बस्ने स्थानीय बासिन्दालाई सतर्क रहन प्रहरीले माइकिङ गर्दै आग्रह गरेको छ । कलंकी प्रहरी प्रभाग प्रमुख प्रहरी नायब निरीक्षक यमबहादुर थापाले स्थानीयलाई सचेत गराउँदै माइकिङ गरेका छन् ।

साथै देशभरका ४४ वटा खोला तथा नदीमा बाढीको मात्रा अत्यधिक बढिरहेको जनाएको छ ।