‘कभी खुशी कभी गम’मा ऋतिक रोशनसँग काम गरेका चर्चित अभिनेता विकास सेठीको निधन

नेपालभ्युज

काठमाडौं । भारतीय चर्चित अभिनेता विकास सेठीको मृत्यु भएको छ ।

उनी ‘क्योंकि सास भी कभी बहू थी’ का अभिनेता समेत हुन् । भारतीय सञ्चारमाध्यम बलिउड लाइफका अनुसार कार्डियक अरेस्टका कारण उनको ४८ वर्षको उमेरमा मृत्यु भएको हो ।

उनलाई आइतबार बिहान कार्डियक अरेस्ट भएको थियो ।

विकासको मृत्युलाई लिएर उनका परिवारले कुनै जानकारी दिएका छैनन् ।

विकासकी श्रीमती र दुई छोरी छन् ।

उनले ‘क्योंकि सास भी कभी बहू थी’, ‘कसौटी जिन्दगी की’, ‘कहीं तो होगा’ जस्ता टेलिशृंखलामा काम गरेका छन् ।
साथै उनले शाहरूख खान र ऋतिक रोशनको सुपरहिट फिल्म ‘कभी खुशी कभी गम’ मा पनि काम गरेका छन् ।