साउदी सुपर कप : उपाधिका लागि अल–हिलाल र अल–नासर भिड्ने

नेपालभ्युज

काठमाडौं । साउदी सुपर कपको उपाधिका लागि अल–हिलाल र अल–नासरबीच प्रतिस्पर्धा हुने भएको छ ।

बुधबार राति भएको खेलमा अल–तावौनलाई २–० ले पराजित गर्दै नासरले फाइनलमा स्थान पक्का गरेको हो । नासरका लागि ८औं मिनेटमा आयमन याह्याले गोल गरे । ५७औं मिनेटमा क्रिस्टियानो रोनाल्डो (Cristiano Ronaldo) ले नासरका लागि दोस्रो गोल गरे ।

इन्ज्युरी समयमा मार्सेलो ब्रोजोभिकले रातो कार्ड पाएसँगै नासर १० खेलाडीमा समेटिएको थियो । यसअघि अल–अहली साउदीलाई पेनाल्टी सुटआउटमा ४–१ ले पराजित गर्दै अल–हिलाल फाइनलमा पुगेको थियो ।

साउदी सुपर कपको फाइनल अगस्ट १७ मा हुनेछ ।