जेलमा रहेका सुकेशले ज्याकलिनलाई दिए याट उपहार

काठमाडौं । भारतीय अभिनेत्री ज्याकलिन फर्नान्डिजले अगस्ट ११ मा आफ्नो ३९औं जन्मदिन मनाइन् ।

२०० करोड रुपैयाँको मनी लान्ड्रिङ मुद्दामा दिल्लीको मण्डोली जेलमा रहेका सुकेश चन्द्रशेखरले अभिनेत्रीलाई उनको जन्मदिनमा व्यक्तिगत याट उपहार दिएका छन् ।

यससँगै सुकेशले आफ्ना १०० फ्यानलाई आइफोन–१५ प्रो वितरण गर्ने घोषणा गर्दै जेलबाट अभिनेत्रीलाई प्रेमपत्र पनि पठाएका छन् ।

चन्द्रशेखरले ज्याकलिनलाई उनको जन्मदिनमा जेलबाट प्रेमपत्र पठाएका थिए । इकोनोमिक्स टाइम्सको रिपोर्टका अनुसार पत्रमा ज्याकलिनलाई जन्मदिनको शुभकामना दिँदै सुकेशले याट दिएका हुन् ।

उनले ज्याकलिनलाई सन् २०२१ मा मन परेको डुंगा उपहार दिने बताएका थिए । त्यो याटमा लेडी ज्याकलिन लेखिनेछ ।

सुकेशले पत्रमा ज्याकलिनको अर्को जन्मदिन उनीसँगै मनाउने वाचा गरेका छन् ।