विराट कोहलीको प्रेममा पागल थिइन् मृणाल, पुरानो अन्तर्वार्ता चर्चामा

काठमाडौं । भारतीय अभिनेत्री मृणाल ठाकुर अहिले सामाजिक सञ्जालमा पुरानो अन्तर्वार्तालाई लिएर चर्चामा छिन् । जसमा उनले फिल्म ‘जर्सी’ को प्रमोशनका क्रममा क्रिकेटर विराट कोहलीको बारेमा बयान दिएकी थिइन् ।

अभिनेत्रीको यो कमेन्ट इन्स्ट्यान्ट बलिउडले सामाजिक सञ्जालमा पोष्ट गरेको छ । तर, उनी यो विषय चर्चामा आउन चाहन्नन् । त्यसैले उनले पोस्टको कमेन्ट बक्समा गएर यसलाई रोक्नुहोस् लेखेकी छन् ।

सन् २०२२ मा ठाकुरले शाहिद कपूरसँग फिल्म ‘जर्सी’ मा अभिनय गरेकी थिइन् । यो फिल्ममा शाहिद कपुरले क्रिकेटरको भूमिका निभाएका थिए । यस फिल्मको प्रमोशनका क्रममा मृणालले आफू क्रिकेटर विराट कोहलीको प्रेममा पागल भएको बताएकी थिइन् । उनको यो अन्तरवार्ताको सामाजिक सञ्जालमा फेरि चर्चा हुन थालेको छ ।

ठाकुरले अन्तर्वार्ताका क्रममा आफू विराट कोहलीको प्रेममा पागल भएको बताएकी थिइन् । ‘भाइलाई क्रिकेट धेरै मन पर्छ । उनी विराटको ठूलो फ्यान हुन् । उसकै कारण मैले क्रिकेट हेर्न थालें । एक पटक नीलो जर्सी लगाएर भारतीय टिमको खेल हेर्न स्टेडियम गएको थिएँ ।’ उनले भनेकी थिइन् ।

मृणालको वर्कफ्रन्टको कुरा गर्दा उनी ‘कल्कि २८९८ एडी’ मा क्यामियो गर्दै देखिएकी थिइन् । यसअघि उनी विजय देवरकोंडाको फिल्म ‘द फैमिली स्टार’ मा देखिएकी थिइन् जुन सफल हुन सकेन । मृणाल फिल्म ‘सन अफ सरदार २’ मा पनि देखिनेछिन् ।