तोलामा डेढ लाख रुपैयाँ पुगेको सुनको भाउ आज एकै दिन २ हजारभन्दा बढीले घट्यो

काठमाडौं । नेपाली बजारमा सुनको मूल्य मंगलबार घटेको छ ।

नेपाल सुनचाँदी व्यवसायी महासंघका अनुसार सोमबार तोलामा १ लाख ५० हजार रुपैयाँ रेकर्ड कायम गरेको सुनको मूल्य आज २ हजार ३ सय रुपैयाँले घटेको हो ।

आज छापावाल सुन प्रतितोला १ लाख ४७ हजार ७ सय रुपैयाँ र तेजाबी सुन १ लाख ४७ हजार रुपैयाँमा कारोबार भइरहेको छ ।

चाँदी तोलामा १ हजार ७२५ रुपैयाँमा कारोबार भइरहेको महासंघले जनाएको छ । अघिल्लो दिन चाँदीको मूल्य तोलामा १ हजार ७ सय ८५ रुपैयाँ कायम भएको थियो ।

लोकप्रिय (यो साता)