काभा महिला भलिबल नेसन्स कपको दोस्रो सेमिफाइनलमा नेपाल आज इरानसँग खेल्दै

काठमाडौं । काभा महिला भलिबल नेसन्स कपको दोस्रो सेमिफाइनलमा नेपालले आज इरानसँग खेल्दैछ ।

लिगको उपविजेता बन्दै नेपाल तेस्रो स्थानको इरानसँग सेमिफाइनल खेल्न लागेको हो ।

दुवै टिमबीचको खेल साँझ सवा ५ बजे त्रिपुरेश्वरस्थित त्रिपुरेश्वरस्थित राष्ट्रिय खेलकुद परिषद्को कभर्डहलमा हुनेछ ।

आइतबार भएको लिग चरणको खेलमा नेपाल इरानसँग ३–२ को सेटमा पराजित भएको थियो ।

आजै हुने पहिलो सेमिफाइनलमा भारत र श्रीलंका भिड्दैछन् ।

खेल दिउँसो ३ बजे हुनेछ । भारत १० अंक सहित शीर्षस्थानमा छ ।

९ अंक सहित नेपाल दोस्रो र ७ अंक भएको इरान तेस्रो स्थानमा छ । ४ अंक भएको श्रीलंका चौथो स्थानमा छ ।

अंंकबिहिन मालदिभ्स पाँचौ स्थानमा रहँदै लिगबाट बाहिरीसकेको छ ।