दोहोरो अंकले घट्यो सेयर बजार

नेपालभ्युज

काठमाडौं । साताको कारोबारको चौथो दिन आज सेयर बजारमा दोहोरो अंकको गिरावट आएको छ । आज सेयर बजार परिसूचक २७ दशमलव ३२ अंकले घटेर २५३६ दशमलव ११ को विन्दुमा पुगेको छ ।

आज ३११ कम्पनीका १ लाख ८८ हजार ८ सय ८५ पटकको कारोबारमा ४० करोड ७ लाख ४७ हजार २२६ कित्ता सेयर खरिद बिक्री भएको छ । जसमा कारोबार रकम १६ अर्ब २० करोड ८५ लाख ७७ हजार रुपैयाँ रहेको छ ।

१३ उपसमूहमध्ये होटल, पर्यटन र फाइनान्स कम्पनी बढ्दा ११ वटा घटेका छन् । ४६ कम्पनीको सेयर मूल्य बढेको छ भने १९४ वटाको घटेको छ । त्यस्तै, २ वटा स्थिर रहेको छ ।

बुधबार दुई कम्पनीका लगानीकर्ताले १० प्रतिशतका दरले कमाएका छन् ।