भारतीय कप्तान सूर्यकुमारका तीन चुनौती

काठमाडौं । भारतका स्टार ब्याट्सम्यान सूर्यकुमार यादवले १८ जुलाई २०२४ को रात कहिल्यै बिर्सने छैनन् । हार्दिक पाण्डेयलाई उछिनेर उनलाई भारतीय टी–२० टोलीको कप्तान बनाइएको थियो ।

सूर्यलाई नयाँ मुख्य प्रशिक्षक गौतम गम्भीर, मुख्य चयनकर्ता र पूर्व कप्तान रोहित शर्माको समर्थन रहेको विश्वास गरिन्छ । जुलाई २७ बाट सुरु हुने श्रीलंका भ्रमणका लागि छनोट भएको टोलीले त्यहाँ तीनवटा टी–२० र त्यति नै एकदिवसीय खेल खेल्नुपर्नेछ ।

सूर्यकुमार पहिलो पटक कप्तान बनेको होइन तर, यसपटकको कथा फरक छ । टोली व्यवस्थापनले उनलाई सन् २०२६ मा हुने अर्को टी–२० विश्वकपसम्म कप्तानको रूपमा राख्न चाहन्छ, त्यसैले यस पटक उनले विभिन्न चुनौतीहरूको सामना गर्नुपर्नेछ ।

श्रीलंका भ्रमणका क्रममा उनले सामना गरेका तीन कठिन चुनौतीहरू हेरौं-

कप्तानको रूपमा प्रमाणित गर्नु
३३ वर्षीय सूर्यकुमारसँग शीर्ष तहमा कप्तानको अनुभव निकै सीमित छ । अहिलेसम्म उनले सातवटा टी-२० खेलमा मात्रै भारतको कप्तानी गर्ने मौका पाएका छन्, जसमा मेन इन ब्लूले पाँच खेल जितेको छ ।

सूर्यको नेतृत्वमा टोलीले घरेलु सिरिजमा अष्ट्रेलियालाई ४–१ ले हराएको थियो । यसपछि दक्षिण अफ्रिका भ्रमणमा उनी टी–२० सिरिज १–१ खेलेर फर्किएका थिए । अब छ महिनापछि थाहा हुन्छ कि उनले आफूलाई दिएको विश्वासमा कत्तिको पूर्ति गर्न सफल भए भन्ने ।

हार्दिक पाण्डेय : कहिले घाम, कहिले छाया र चुनौतीहरू

रोहित शर्माको ठाउँ भर्ने चुनौती
श्रीलंका भ्रमणका लागि भारतीय टोलीको छनोटले पनि चयनकर्ता र प्रशिक्षकले सीमित ओभरको क्रिकेटलाई नयाँ दिशा दिन खोजेको देखाएको छ ।

रोहितको सन्यासपछि टिमलाई अब कप्तानको खाँचो पर्नेछ, जसले ड्रेसिङ रुमको वातावरणलाई रमाइलो बनाउनेछ ।

पछिल्ला दुई–तीन वर्षमा रोहितले मात्रै तीनवटै ढाँचामा भारतको कप्तानी गर्दै आएका थिए, यस्तो अवस्थामा सूर्यकुमारले सबै खेलाडीलाई साथमा लिएर उस्तै गुणस्तरीय हुने अपेक्षा गरिएको छ ।

ब्याटिङ स्थिर राख्नु
कप्तानको ठूलो जिम्मेवारी पाएपछि अब सूर्यकुमारको वास्तविक लिटमस टेस्ट सुरु हुँदैछ । जिम्मेवारी पाएपछि केही खेलाडीहरू विघटन हुन्छन् र केही सुधार हुन्छन्।

कप्तानी सम्हाल्दै गर्दा सूर्यकुमारको ब्याट पनि अहिलेसम्म सफल भएको छ । सात खेलमा उनले एक शतक र दुई अर्धशतकसहित ४२.८५ को औसतमा ३०० रन बनाएका छन् ।

कप्तानको जिम्मेवारी पाएपछि यादवसहित सम्पूर्ण भारतीय टोलीले आफ्नो फर्म यथावत रहोस् भन्ने चाहन्छ ।