मनै हल्लाउने एउटा साउथ इन्डियन फिल्म, छोरी हुर्काउन संघर्षरत बाबु र स्वीकार नगर्ने छोरीको कथा

काठमाडौं । आज शनिबार फुर्सद छ ? फुर्सदको सदुपयोग कसरी गर्ने ? वैचारिक पुस्तक पढ्ने वा मनोरञ्जनात्मक फिल्म हेर्ने ? घुम्न जाने कि ? घरमै बस्ने ? पढ्ने, सुन्ने, हेर्ने र अनेक तरिका शनिबार कटाउने हुनसक्ला ।

तर, फिल्ममा रुचि छ भने छोरी हुर्काउन संघर्षरत बाबु र उनलाई स्वीकार नगर्ने छोरीको कथा रहेको फिल्म सिफारिस गर्दैछौँ ।

यो फिल्म हो, फिल्म ‘पेरान्बु’ ।

यसलाई समीक्षकहरूले यो फिल्मको खुब प्रशंसा गरेका छन् । फिल्मले बाबु छोरीको जटिल सम्बन्धलाई बुझ्न मद्दत गर्ने समीक्षहरूले बताएका छन् ।

फिलमले एक भ्रमित बुबाको कथा भन्छ ।  जो आफ्नी श्रीमतीले अमुधवनलाई त्यागेपछि निराश हुन्छन् । उनको बच्चा पप्पा, जसलाई सेरेब्रल पाल्सी छ । बाबुले आफ्नी छोरीको हेरचाह गर्न संघर्ष गर्छन् ।  जबकि समाजले उसलाई निरन्तर अस्वीकार गर्दछ ।

यसैबीच एकरात पप्पाको महिनावारी सुरू हुन्छ । अमुधवनलाई यसबारे कुनै जानकारी नभएकाले खुब डराउँछन् । उनी छिमेकी विजयलक्ष्मीसँग सहयोग माग्छन् । तर एक दिन यो ससैबीच भयानक दृश्य आइपर्छ ।

विजयलक्ष्मीले पप्पालाई मार्ने प्रयास गर्छिन् । यही क्रममा  धेरै रहस्यहरू उजागर हुन्छन् । यसरी कथा अघि बढेको छ ।

***

यसको निर्देशन तथा लेखन रामले गरेका हुन् । श्री राजलक्ष्मी फिल्म्स अन्तर्गत पीएल थेनाप्पनले निर्माण गरेको हो ।  अमुधवनको भूमिकामा मामुटी र विजयलक्ष्मीको भूमिकामा अन्जलीलाई देख्न सकिन्छ ।

फिल्मको स्कोर र साउन्डट्र्याक एल्बम युवन शंकर राजाले कम्पोज गरेका हुन्, छायांकन र सम्पादन क्रमशः थेनी ईश्वर र सूर्य प्रधानले गरेका छन् ।

निर्देशक रामले यो फिल्मको कथामा ६ वर्ष काम गरेका थिए । सन् २०१८ मा यो फिल्म इन्टरनेसनल फिल्म फेस्टिभल रोटरड्याममा प्रदर्शन गरिएको थियो ।

त्यसपछि शंघाई फिल्म फेस्टिभल, इन्टरनेसनल फिल्म फेस्टिभल अफ इन्डियामा देखाइयो । सिनेमा घरहरूमा भने पेरान्बु सन् २०१९ मा देखाइएको हो । यसले सात वटाभन्दा बढी अवार्ड जितेको छ भने दर्जन बढी प्रतिस्पर्धामा मनोनीत भएको छ ।