मण्डलामा नाटक ‘माण्डवी’ (तस्वीरहरु)

काठमाडौं । राम के.ए.सी.को लेखन तथा निर्देशनमा तयार भएको नाटक ‘माण्डवी’ थापागाउँस्थित मण्डला थिएटरमा मञ्चन गरिएको छ।

निर्देशक के.ए.सी  का अनुसार ‘माण्डवी’ ले पढाइ, करियर, जागिर, पैसा, सम्पत्ति, आफ्नो बिरानोको चक्रव्यूहमा मानिसहरूले स्वयंलाई बिर्सिएपछि सुरु हुने खोज र आधुनिक समयले व्यस्तताको भ्रूणबाट जन्माएको सम्बन्धहरूको अदृश्य ऐँठनको विषयवस्तु उठान गरेको छ।

यो नाटक एस इन्स्टिच्युट अफ म्यानेजमेन्ट र त्यही मातहतका विद्यार्थीहरूको थिएटर क्लबको प्रस्तुतिमा मञ्चन भएको हो।

नीलिमा पाण्डे, अभिषेक प्रधानाङ्ग, सनम अर्याल, आस्का गौचन, प्रयानमान बुद्धाचार्य, उषा कुसुम पुरी, युनेश तखाछेँ र नुरेश पौडेलको अभिनय रहको नाटक असार २८ गते साँझ ५ बजे र २९ अनि ३० गते दिउँसो १२ बजे र साँझ ५ बजे गरी ५ सो मञ्चन हुनेछ।

तस्वीरहरु:-