पछिल्लो २४ घण्टामा यी स्थानमा पर्‍यो सबैभन्दा धेरै पानी

काठमाडौं । अहिले देशभर भारी वर्षा भइरहेको छ ।

कर्णाली प्रदेशबाहेक पछिल्लो अन्य सबै क्षेत्रमा अहिले पनि वर्षा भइरहेको मौसम पूर्वानुमान महाशाखाले जनाएको छ । यससँगै कयौं स्थानमा बाढी पहिरो आइरहेको छ ।

उर्जा जलस्रोत तथा सिंचाइ मन्त्रालयअन्तर्गतको रेन डाउन फल म्यापकाअनुसार पछिल्लो २४ घण्टामा पाल्पाको कुमालगाउँमा सबैभन्दा धेरै वर्षा भएको छ ।

त्यहाँ पछिल्लो २४ घण्टामा ४०६ मिलिमिटर वर्षा भएको छ ।

यस्तै, पाल्पाकै जाल्पामा ३०१ मिलिमिटर, गैडाकोटमा २९७ मिलिमिटर, स्याङ्जामा २७८ मिलिमिटर, दाङको लमहीमा २६३ मिलिमिटर, सोही जिल्लाको रातामाटामा २६० मिलिमिटर, घोराहीमा २५१ मिलिमिटर र कास्कीमा २०९ मिलिमिटर वर्षा भएको छ ।

यता काठमाडौं उपत्यकामा भने सबैभन्दा धेरै वर्षा ललितपुरको लेलेमा भएको छ । त्यहाँ पछिल्लो २४ घण्टामा १७० मिलिमिटर पानी परेको छ ।

बबरमहल क्षेत्रमा ९४ मिलिमिटर पानी परेको छ ।