कांग्रेस सभापति देउवा र समाजवादीका अध्यक्ष नेपालबीच भेटवार्ता

काठमाडौं ।  नेपाली कांग्रेसका सभापति शेरबहादुर देउवा र नेपाल कम्युनिष्ट पार्टी (एकीकृत समाजवादी) का अध्यक्ष माधवकुमार नेपालबीच भेटवार्ता भएको छ । देउवा निवास  बूढानीलकण्ठमा उनीहरुबीच  भएको भेटवार्तामा पछिल्लो राजनीतिक विकासक्रमबारे छलफल भएको बताइएको छ ।

एकीकृत समाजवादीका नेता आलोक रायमाझीका अनुसार सभापति देउवाले   कांग्रेस र  एमालेबीच राष्ट्रिय सहमतिको सरकार गठन गर्ने सम्बन्धमा भएको सहमतिबारे अध्यक्ष नेपाललाई जानकारी गराउनुका साथै  त्यसमा सामेल हुन प्रस्ताव गरेका थिए ।

अध्यक्ष नेपालले सभापति देउवाको उक्त  प्रस्तावमाथि पार्टीमा छलफल गरेर जानकारी दिने बताएको नेता रायमाझीले जानकारी दिए ।