दक्षिण अफ्रिकाले इंग्ल्याण्डलाई दियो १६४ रनको लक्ष्य

नेपालभ्युज

काठमाडौं । आइसिसी टी–२० विश्वकप क्रिकेटअन्तर्गत सुपर–८ को खेलमा दक्षिण अफ्रिकाले इंग्ल्याण्डलाई १ सय ६४ रनको लक्ष्य दिएको छ ।

सेन्ट लुसियास्थित डारेन स्यामी नेशनल क्रिकेट स्टेडियममा टस हारेर ब्याटिङको निम्तो पाएको दक्षिण अफ्रिकाले निर्धारित २० ओभरमा ६ विकेट गुमाएर १ सय ६३ रन बनायो ।

दक्षिण अफ्रिकाका लागि क्विन्टन डिककले ३८ बलमा चार छक्का र चार चौकासहित ६५ रन बनाए ।

यस्तै, डेविड मिलरले २८ बलमा चार चौका र दुई छक्कासहित ४३ रन बनाए । २५ बलमा १९ रन जोडेका रीजा हेन्ड्रिक्सले एक चौका प्रहार गरे ।

इंग्ल्याण्डका लागि जोफ्रा आर्चरले तीन, आदिल राशिद र मोइन अलीले एक/एक विकेट लिए ।

दक्षिण अफ्रिकाले पहिलो खेलमा अमेरिका र इंग्ल्याण्डले वेस्ट इण्डिजलाई हराएको थियो ।